پاکستان کاترکیہ سےبکتربندگاڑیاں حاصل کرنےکافیصلہ

پاکستان نے اپنی دفاعی صلاحیتوں کو مزید مستحکم کرنے کے لیے قازقستان کے راستے ترکیہ کی ڈیزائن کردہ بکتر بند گاڑیاں حاصل کرنے کا فیصلہ کیا ہے، جس سے سہ فریقی دفاعی تعاون کو فروغ ملے گا۔
معاہدے کے تحت قازقستان کے صدر کسم جومارت توکایف کے 2026 کے دورے کے دوران طے پانے والے سمجھوتے میں اوٹوکر پلیٹ فارمز پر مبنی آئبر 4×4 اور تیماس 8×8 بکتر بند گاڑیاں شامل ہوں گی۔
اس معاہدے کی مالیت 300 سے 600 ملین ڈالر کے درمیان بتائی گئی ہے، جس میں تربیت، دیکھ بھال اور تکنیکی معاونت بھی شامل ہوگی۔ یہ جدید بکتر بند گاڑیاں نقل و حرکت میں بہتری، انسدادِ بغاوت آپریشنز کو تقویت دینے اور خصوصاً افغانستان کی سرحد کے قریب سیکیورٹی بہتر بنانے میں مدد فراہم کریں گی۔
ان گاڑیوں کو بارودی سرنگوں اور آئی ای ڈیز کے خلاف تحفظ حاصل ہوگا، جبکہ یہ فوجیوں کی نقل و حمل اور جاسوسی کے مشنز میں بھی اہم کردار ادا کریں گی۔