مظفرگڑھ میں ایکسائز اینڈ ٹیکسیشن ڈیپارٹمنٹ اور پنجاب سیف سٹیز اتھارٹی کی مبینہ غفلت کا ایک حیران کن معاملہ سامنے آیا ہے، جہاں دو سال قبل فروخت کی گئی ایک غیر رجسٹرڈ موٹر سائیکل پر تاجر کے نام لاکھوں روپے کے ای چالان جاری ہوگئے۔
متاثرہ تاجر خرم سلیم کے مطابق انہوں نے دو سال قبل موٹر سائیکل ایک ڈیلر کو غیر رجسٹرڈ حالت میں فروخت کی تھی، تاہم بغیر کسی بائیومیٹرک تصدیق یا قانونی کارروائی کے موٹر سائیکل ان کے نام رجسٹرڈ کر دی گئی۔ اس بات کا انکشاف اس وقت ہوا جب پنجاب سیف سٹیز اتھارٹی کی جانب سے انہیں مسلسل ای چالان موصول ہونا شروع ہوئے۔
متاثرہ شہری کا کہنا ہے کہ ایک ہی موٹر سائیکل پر مجموعی طور پر 105 ای چالان جاری کیے گئے، جن کی مالیت دو لاکھ 10 ہزار روپے تک پہنچ چکی ہے۔
خرم سلیم نے ایکسائز اینڈ ٹیکسیشن، پنجاب سیف سٹیز اتھارٹی اور متعلقہ موٹر سائیکل ڈیلر کے خلاف کارروائی کے لیے پولیس سے رجوع کرتے ہوئے اعلیٰ حکام سے شفاف انکوائری، ذمہ دار اہلکاروں کے تعین اور ان کے خلاف سخت کارروائی کا مطالبہ کیا ہے۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔