تقریباً 47 ملین سال پرانے سانپ کی باقیات دریافت

پاکستان ٹوڈے: سائنسدانوں نے 4 کروڑ 70 لاکھ یعنی47 ملین سال پرانے دنیا کے سب سے بڑے سانپ کی باقیات دریافت کر لیں۔

تفصیلات کے مطابق انڈین میڈیا کے مطابق یہ سانپ صدیوں قبل بھارت میں گجرات کے حصے میں پائے جاتے تھے، جسے ہندو مذہب میں پائے جانے والے سانپ واسوکی کے نام سے منسوب کرتے ہوئے واسوکی انڈیکس کا نام دیا گیا ہے۔

دنیا کے سب سے بڑے سانپ کی باقیات انڈین انسٹی ٹیوٹ آف ٹیکنالوجی رورکی (IITR) کے ماہرین کی جانب سے دریافت کی گئی ہیں، جسے جرنل سائنٹیفک رپورٹ میں شائع کیا گیا ہے۔

رپورٹ کے مطابق دریافت کیے گئے سانپ کی لمبائی 10سے 15میٹر ہے اور یہ سانپ 47ملین سال پرانا ہے، یہ سانپ اس وقت دنیا کے جغرافیہ میں پائے جاتے تھے جب دنیا آج کی دنیا سے بہت مختلف تھی، ان سانپوں کی لمبائی کا موازنہ ٹائٹانوبوا( Titanoboa )کے سائز کے ساتھ کیا جا رہا ہے ۔