فارم کی تصدیق کامعاملہ:الیکشن کمیشن کااہم اعلان

فارم45،46،47،48اور49کی تصدیق کےلئےالیکشن کمیشن نےافسران کواہم ذمہ داری سونپ دی۔
الیکشن کمیشن نے ویب سائٹ پر اپ لوڈ کیےگئےفارمز کی تصدیق کےلیے افسران کو ذمہ داری سونپ دی ،چیف الیکشن کمشنر سکندر سلطان راجہ نےفارمز کی تصدیق کی منظوری دی،نوٹیفکیشن جاری کردیاگیا۔
نوٹیفکیشن کےمطابق این اے 1 سے 266 تک فارمز کی تصدیق کے ٹیم لیڈر محمد ناصر خان ہوں گے،پی کے 1 سے 115،پی پی 1 سے297،پی ایس 1 سے120 اور پی بی 1 سے51 تک کےٹیم لیڈر کاشف عباس ملک ہوں گے،وقاص ملک تصدیق کے عمل کےلئےسپروائزر مقررکردئیےگئے۔
نوٹیفکیشن کےمطابق فارمز کی تصدیق کے انچارچ سید ندیم حیدر ہوں گے،ٹیمز پولنگ اسٹیشن کی لسٹ کےمطابق اپ لوڈ کیے گئےفارم 45 اور 46 کی تصدیق کریں گی،ٹیمز مسنگ فارم 45 اور 46 کی نشاندہی کریں گی، مسنگ فارم 45 اور 46 کی تفصیلات تیار کی جائیں گی،ٹیمز ان فارمز کی شناخت کریں گی جو پڑھنے کے قابل نہیں،ٹیمز اس کی بھی تصدیق کریں گی کہ تمام فارم 47، 48 اور 49 اپ لوڈ کیے گئے۔ٹیمز کو اپنا کام 7 روز میں مکمل کرنے کی ذمہ داری سونپ دی گئی۔