ملکی دفاع مضبوط کرنےکامشن:پاک بحریہ میں 2جنگی جہازوں کااضافہ

ملکی دفاع مضبوط کرنےکامشن،پاک بحریہ میں دونئےجنگی بحری جہازوں کااضافہ ہوگیا۔
یوم دفاع پرپاک بحریہ نےایک تقریب کاانعقادکیاجس میں صدرمملکت آصف علی زرداری نےبطورمہمان خصوصی شرکت کی ۔جہاں انہیں گارڈ آف آنر پیش کیا گیا، چیئرمین جوائنٹ چیفس آف سٹاف کمیٹی جنرل ساحر شمشاد مرزا بھی تقریب میں شریک ہوئے۔
اس تقریب کامقصدپاکستان کےدفاع کومضبوط کرنےکےلئے پاک بحریہ میں دوعددنئےجنگی جہازباقاعدہ طورپرشامل کرلئے گئے،جن کےنام پی این ایس بابراور پی این ایس حنین ہے۔
نیول چیف ایڈمرل نوید اشرف نے تقریب سے خطاب کرتے ہوئے کہاکہ تمام معزز مہمانوں کو میرا سلام، یوم دفاع پر شاندار تقریب کا انعقاد باعث فخر ہے ، 2018میں ترکیہ کے ساتھ ملجم کلاس شپس بنانے کا معاہدہ کیا گیا، دونوں جہاز سٹیٹ آف دی آرٹ ہیں اور جدید ہتھیاروں سے لیس ہیں ۔
ایڈمرل نوید اشرف نے کہا کہ ملجم کلاس کا منصوبہ دفاعی شعبے میں ترکیہ اورہالینڈ کے ساتھ تعاون کے ایک نئے دورکا آغاز ہے، پاک بحریہ ملکی سمندری سرحدوں کی حفاظت کے لئے ہمہ وقت تیار ہے۔
تقریب سےخطاب کرتےہوئےصدر آصف زرداری کاکہناتھاکہ یوم دفاع پراس عظیم تقریب میں شرکت میرے لیے باعث فخر ہے ، کسی بھی جارحیت سے نمٹنے کیلئے ہماری مسلح افواج ہمہ وقت تیار ہیں، مضبوط پاک نیوی سمندری سرحدوں کی حفاظت کی ضمانت ہے ۔
صدر مملکت کامزیدکہناتھاکہ یوم دفاع پر پاک بحریہ میں 2جہازوں کی شمولیت باعث اطمینان ہے، دونوں جہاز میری ٹائم چیلنجز سے نمٹنے میں اہم کردارادا کریں گے۔
پاک بحریہ کے فلیٹ میں شامل پی این ایس بابرترکیہ میں جبکہ پی این ایس حنین رومانیہ میں تیار کیا گیا۔
ورٹیکل لانچنگ سسٹم سے لیس بابرکلاس کے4جہاز پاک بحریہ میں شامل ہے، پی این ایس بابرورٹیکل لانچنگ سسٹم سے لیس ہے۔