گوگل میپس میں آرٹی فیشل انٹیلی جنس ماڈل پر مبنی فیچرز متعارف

گوگل میپس میں نئے اے آئی فیچرز متعارف،معروف ٹیکنالوجی کمپنی گوگل نے اپنی مقبول ترین سروس گوگل میپس میں جیمنائی آرٹی فیشل انٹیلی جنس ماڈل پر مبنی فیچرز کا اضافہ کر دیا۔
گوگل کے مطابق نئی اپ ڈیٹس سے صارفین اے آئی ٹیکنالوجی کی مدد سے گھومنے کیلئے نئے مقامات کو تلاش کر سکیں گے، جبکہ مختلف جگہوں کے بارے میں سوالات کے جواب حاصل کرسکیں گے۔گوگل میپس میں نیوی گیشن فیچرز کو بھی بہتر بنایا گیا ہے، تاکہ ڈرائیورز کو اپنی منزل تک پہنچنے میں مدد مل سکے۔
اے آئی ماڈل جگہ اور وقت کو مدنظر رکھ کر بتائے گا کہ آپ کیا کچھ کر سکتے ہیں۔جیمنائی کی جانب سے ان مقامات کے بارے میں سوالات کے جوابات بھی دیے جائیں گے۔نیوی گیشن کیلئے گوگل میپس میں ایڈ سٹاپس نامی فیچر کا اضافہ کیا گیا ہے، جو کسی شہر کے اہم مقامات، تفریحی مراکز اور کھانے پینے کے مراکز کو بہترین روٹس کے ساتھ تجویز کرے گا۔
گوگل کی جانب سے ویدر الرٹ سسٹم بھی متعارف کرایا جا رہا ہے، جس میں ڈرائیورز یہ رپورٹ کرسکیں گے کہ موسم کے باعث انہیں کن جگہوں پر مشکلات کا سامنا ہے ،تاکہ دیگر افراد کو مدد مل سکے۔یہ نئے فیچرز پہلے امریکا میں صارفین کو دستیاب ہوں گے۔
گوگل کے مطابق یہ فیچرز آئندہ چند ہفتوں میں امریکا میں صارفین کو دستیاب ہوں گے اور بتدریج انہیں دیگر ممالک میں متعارف کرایا جائے گا۔