ریلوے نے بے نظیر بھٹو کی برسی پر خصوصی ٹرین چلانے کا اعلان کر دیا

ریل کے مسافروں کیلئے خوشخبری، ریلوے نے بینظیر بھٹو کی برسی پر خصوصی ٹرین چلانے کا اعلان کر دیا۔پاکستان ریلویز کی جانب سے خصوصی ٹرین کا نوٹیفکیشن جاری کیا گیا۔
نوٹیفکیشن کے مطابق بینظیر بھٹو شہید کی برسی کے موقع پر ریلوے نے لاہور سے گڑھی خدا بخش کیلئے خصوصی ٹرین چلانے کا فیصلہ کیا ہے۔
نوٹیفکیشن کے مطابق خصوصی ٹرین 26 دسمبر کو دوپہر ایک بجے لاہور سے چلے گی اور 27دسمبر کوصبح ساڑھے 4 بجے شاہ نواز بھٹو سٹیشن پر پہنچے گی۔یہ خصوصی ٹرین 27 دسمبر کی شام 7بجے شاہ نواز بھٹو سٹیشن سے واپس لاہور کے لئے روانہ ہوگی اور 28 دسمبر کی صبح نو بج کر بیس منٹ پر لاہور سٹیشن پہنچے گی۔