سعودیہ کی فلائی اے ڈیل کا فروری سے پاکستان کیلئے پروازیں شروع کرنے کا اعلان

سعودی عرب جانیوالے پاکستانی مسافروں اور زائرین کیلئے خوشخبری ، سعودیہ کی فلائی اے ڈیل ائیرلائن کا رواں سال فروری سے پاکستان کیلئے پروازیں شروع کرنے کا اعلان، کم لاگت والی سعودی ائیرلائن فلائی اے ڈیل ’Flyadeal‘ نے 2 فروری 2025 سے پاکستان کے سب سے بڑے شہر کراچی کے لیے شیڈول پروازیں شروع کرنے کے منصوبے کا اعلان کر دیا۔
رپورٹ کے مطابق 2 فروری سے فلائی اے ڈیل کی کراچی سے سعودی عرب کے شہر ریاض اور جدہ کے لیے ہفتے میں دو پروازیں ہوں گی۔
ایئر لائن کے سی ای او سٹیون گرین وے نے کہا کہ وہ جلد ہی پاکستان کے دیگر شہروں کے لیے مزید پروازیں شامل کرنے کا ارادہ رکھتے ہیں۔ ائیرلائن کے سی ای او سٹیون گرین وے نے کراچی کو ایک نئی منزل بنانے کے لیے مل کر کام کرنے پر پاکستانی حکام اور ان کی ٹیم کی تعریف کی۔
انہوں نے بتایا کہ ایئر لائن رواں برس کے آغاز میں پاکستان کے لیے خصوصی حج چارٹر پروازیں چلانے میں کامیاب رہی تھی۔ ان کا کہنا تھا کہ کراچی کے لیے پروازیں شروع کرنا ایئرلائن کے لیے ایک بڑا اقدام ہے، کیونکہ یہ جنوبی ایشیا کے لیے ان کی پہلی باقاعدہ پرواز ہے۔ پاکستان کے ٹکٹ اب ایئر لائن کے آفیشل چینلز کے ذریعے بکنگ کے لیے دستیاب ہیں۔