پی ٹی آئی کاانتخابات پرجوڈیشل کمیٹی کامطالبہ غیرضروری ہے، وزیراعظم

وزیراعظم شہبازشریف نےکہاہےکہ تحریک انصاف کا2024کےانتخابات پرجوڈیشل کمیٹی کامطالبہ غیرضروری ہے،پی ٹی آئی سےکہتےہیں اپنےحقائق لےکرمذاکرات کی میزپرآئے،مجھ سمیت حکومت نیک نیتی کےساتھ مذاکرات کےلئےتیارہے۔
وفاقی کابینہ کےاجلاس سےخطاب کرتےہوئےوزیراعظم شہبازشریف کاکہناتھاکہ خوارج کےخلاف سیکیورٹی فورسزکی کارروائیاں جاری ہیں،ملک دشمن عناصرکےمذموم عزائم کوخاک میں ملائیں گے،شہداکی قربانیوں کی توقیروتعظیم کرتےہیں،پاک فوج کی لازوال قربانیاں عظیم داستانیں رقم کررہی ہیں،دہشت گردی کےخاتمےسےہی ترقی وخوشحالی کاخواب شرمندہ تعبیرہوگا۔
گفتگوکوجاری رکھتےہوئےاُن کامزیدکہناتھاکہ انشااللہ پاکستان کی ترقی وخوشحالی کاخواب ضرورشرمندہ تعبیرہوگا،کالےدھندےکےنتیجےمیں پاکستان کاامیج خراب کرنےکی کوشش ہوگی،حکومت نےپی ٹی آئی کومذاکرات کیلئے سازگار ماحول فراہم کیا،پی ٹی آئی مذاکرات سےبھاگ رہی ہے،2018میں دھاندلی پربانی نےہاؤس کمیٹی بنانےکااعلان کیاتھا،2018الیکشن میں جوڈیشل کمیٹی نہیں،ہاؤس کمیٹی بنائی گئی تھی۔گزشتہ حکومت کی بنائی گئی اس ہاؤس کمیٹی پرآج تک عملدرآمدنہیں کیاگیا۔
شہبازشریف کاکہناتھاکہ ملک کسی فسادکامتحمل نہیں ہوسکتا،پی ٹی آئی کا2024 کےانتخابات پرجوڈیشل کمیٹی کامطالبہ غیرضروری ہے،پی ٹی آئی سےکہتےہیں اپنےحقائق لےکرمذاکرات کی میزپرآئے،مجھ سمیت حکومت نیک نیتی کےساتھ مذاکرات کےلئےتیارہے،پی ٹی آئی آگےبڑھےاورملک کوبھی آگےبڑھنے دے،اسٹیٹ بینک نےپالیسی ریٹ میں مزیدایک فیصدکمی کی ہے،انسانی سمگلنگ کےحالیہ واقعات میں انسانی جانوں کاضیاع ہوا،انسانی سمگلنگ کی کارروائیوں سےپاکستان کےتشخص کونقصان پہنچا۔