کسی ملک کے اندرونی معاملات پربات نہیں کی جائے گی،امریکا

امریکی محکمہ خارجہ کی ترجمان ٹیمی بروس نے کہا کہ کسی دوسرے ملک کے اندرونی معاملات پربات نہیں کی جائے گی۔
امریکی محکمہ خارجہ کی ترجمان ٹیمی بروس کا میڈیا سےبریفنگ کےدوران کہناتھاکہ کئی دنوں سے جس فہرست کا انتظار ہو رہا ہے اس کا کوئی وجود نہیں۔انہوں نےامریکا میں داخلے پر پابندی کے لیے ملکوں کی فہرست بنانے کی تردید کر دی۔
اُن کامزیدکہناتھاکہ صدر ٹرمپ کے حکم پر امریکی سلامتی کےلیے جائزہ لیا جارہا ہے کہ ویزا مسائل سے کس طرح نمٹنا ہے اور کسے داخلے کی اجازت دینی ہے جب یہ جائزہ مکمل ہوگا تو ہم اس بارے میں بات کرسکیں گے۔
ترجمان امریکی محکمہ خارجہ کاکہناتھاکہ صدرٹرمپ اور وزیرخارجہ نے واضح کیا ہے کہ ہمیں کرہ ارض کی پرواہ ہے،امریکا کو اپنے پڑوسیوں کی پرواہ ہے، ہمیں اس بات کی فکر ہے کہ دنیا میں کیا ہو رہا ہے۔
ٹیمی بروس سے بانی پی ٹی آئی عمران خان سےمتعلق سوال کیاگیاتوانہوں نےجواب دینےسےانکارکردیا۔اُن کاکہناتھاکہ کسی دوسرے ملک کے اندرونی معاملات پربات نہیں کی جائے گی، چاہیں تو وائٹ ہاؤس سے بھی پوچھ لیں۔