محکمہ آرکائیو کا ہاتھ سے لکھی کتابوں کا الگ سے میوزیم بنانے کا فیصلہ

علم کے متلاشیوں کیلئے خوشخبری ،پنجاب پبلک لائبریری کی تزئین و آرائش کا پلان تیار،محکمہ آرکائیو نے لائبریری میں ہاتھ سے لکھی کتابوں کا الگ سے میوزیم بنانے کا فیصلہ کرلیا۔
تفصیلات کے مطابق محکمہ آرکائیو نے پنجاب پبلک لائبریری کی تزئین و آرائش کا پلان تیار کر لیا ہے۔ پنجاب پبلک لائبریری کلکتہ کے بعد برصغیر کی دوسری پرانی لائبریری ہے۔لائبریری میں ہاتھ سے لکھی کتابوں کا الگ سے میوزیم بنانے کا فیصلہ کرلیا گیا ہے۔
محکمہ آرکائیو نے پی اینڈ ڈی بورڈ کو ترقیاتی پروگرام میں شامل کرنے کی تجویز ارسال کر دی ہے، جس کی منظوری کے فوری بعدہاتھ سے لکھی کتابوں کا الگ سے میوزیم بنایا جائے گا، جو بلاشبہ جوئندگان علم و ادب کیلئے ایک نعمت ثابت ہو گا۔