یوم تکبیر قومی وقار، خودمختاری اور ناقابلِ تسخیر دفاع کا دن ہے، ایم ڈی سیف سٹی

ایم ڈی سیف سٹی نےکہاہےکہ آج کادن قومی وقار، خودمختاری اور ناقابلِ تسخیر دفاع کا دن ہے۔
(عتیق ملک سے) 28 مئی پاکستان کو ایٹمی قوت بنے 27 سال مکمل ہونےپرپنجاب سیف سٹیز اتھارٹی میں یوم تکبیر کے حوالے سے خصوصی تقر یب کاانعقادکیاگیا۔یومِ تکبیر کی مناسبت سے سیف سٹیز ہیڈکوارٹرز کی ڈیجیٹل وال پر قومی پرچم اور خصوصی ویڈیو لگائی گئی ۔
سیف سٹی افسران و سٹاف کی جانب سے پاکستان کو ایٹمی قوت بنانے پر قومی قیادت اور افواجِ پاکستان کو بھرپور خراجِ تحسین پیش کیا گیا۔
اس موقع پرایم ڈی سیف سٹی کاکہناتھاکہ آج کا دن قومی وقار، خودمختاری اور ناقابلِ تسخیر دفاع کا دن ہے،اس سال یوم تکبیر بھارت کی مسلط کردہ جنگ میں کامیابی کی خوشی کے ساتھ منایا جا رہا ہے۔
اُن کامزیدکہناتھاکہ سیف سٹیز اتھارٹی پولیس اور قانون نافذ کرنے والے اداروں کے ساتھ مل کر سیکیورٹی کو مزید مؤثر بنانے کے لیے پرعزم ہے۔یوم تکبیر کے موقع پر لاہور سمیت صوبہ بھر میں جاری تقاریب، ریلیوں کی سیف سٹی کیمروں سے سرویلنس جاری ہے۔