روس یوکرین جنگ:ٹرمپ کی ثالثی کی کوششیں،پیوٹن نےسخت شرائط رکھ دیں

روس یوکرین جنگ میں امریکی صدرڈونلڈٹرمپ کی ثالثی کی کوششیں جاری،پیوٹن نےسخت شرائط رکھ دیں۔

امریکی میڈیا کو دیے گئے انٹرویو میں صدر ڈونلڈ ٹرمپ کاکہناتھاکہ روس یوکرین جنگ بندی کے لیے وہ صدر پیوٹن کو چند ہفتوں کی مہلت دے رہے ہیں تاکہ وہ یوکرینی صدر سے ملاقات کر کے امن کے امکانات پر بات چیت کریں۔
ان کا کہنا تھا کہ ہم دیکھیں گے قصور کس کا ہے۔ میں نے انہیں ملاقات کرنے کا کہا ہے، اب یہ دیکھنا دلچسپ ہوگا کہ وہ ملاقات کرتے ہیں یا نہیں۔ ٹرمپ کے مطابق آئندہ دو ہفتوں میں صورتحال واضح ہو جائے گی۔
غیرملکی میڈیاکےمطابق دوسری جانب روسی وزیر خارجہ سرگئی لاروف نے صدر پیوٹن اوریوکرینی صدر زیلنسکی کے درمیان فوری ملاقات کے امکان کو مسترد کردیا اورواضح کردیاکہ دونوں رہنماؤں کےدرمیان ملاقات کاکوئی شیڈول نہیں ہے۔
ذرائع کاکہناہےکہ روسی صدرپیوٹن نےجنگ بندی کےلئےشرائط عائدکردیں ہیں۔ ان شرائط میں یوکرین کا مشرقی سرحدی شہر ڈونباس سے دستبردار ہونا، نیٹو میں شمولیت کا ارادہ ترک کرنا اور مشرقی سرحد سے نیٹو افواج کو ہٹانا شامل ہیں۔
ذرائع کے مطابق ان مطالبات کے بدلے روس بعض علاقوں سے پیچھے ہٹنے پر آمادہ ہے۔