پاکستان کاوائٹ بال سیریزکیلئےاسکواڈکااعلان، بابر اعظم ، نسیم شاہ کی ٹیم میں واپسی

پاکستان نےوائٹ بال سیریز کے لئے اسکواڈ کا اعلان کردیا،بابر اعظم اور نسیم شاہ کی ٹی ٹوئنٹی انٹرنیشنل ٹیم میں واپسی ہوگئی۔
تفصیلات کےمطابق قومی ٹی ٹوئنٹی انٹرنیشنل کیلئے 15 رکنی اور ون ڈے کیلئے 16 رکنی اسکواڈ کا اعلان کردیاگیا،پاکستان اور جنوبی افریقہ کے درمیان ٹی ٹوئنٹی انٹرنیشنل سیریز 28 اکتوبر سے یکم نومبر تک کھیلی جائے گی۔جبکہ پیروٹیزکے خلاف ون ڈے سیریز فیصل آباد میں 4 سے 8 نومبر تک کھیلی جائے گی۔
سری لنکا اور زمبابوے کے ساتھ ٹی ٹوئنٹی تین ملکی سیریز 17 سے 29 نومبر تک راولپنڈی اور لاہور میں کھیلی جائے گی۔پاکستان اور سری لنکا کے درمیان ون ڈے انٹرنیشنل سیریز 11 سے 15 نومبر تک راولپنڈی کرکٹ سٹیڈیم میں کھیلی جائے گی۔
عثمان طارق کو پہلی بار ٹی ٹوئنٹی انٹرنیشنل اسکواڈ میں شامل کیاگیاجبکہ عبدالصمد، مایانازبلےبازبابر اعظم اور نسیم شاہ کی ٹی ٹوئنٹی انٹرنیشنل ٹیم میں واپسی ہوگئی ،فیصل اکرم، حارث رؤف اور حسیب اللہ کی بھی ون ڈےا سکواڈ میں واپسی ہوئی ہے۔
سلمان علی آغا ٹی ٹوئنٹی انٹرنیشنل اور شاہین شاہ آفریدی ون ڈے انٹرنیشنل ٹیم کی قیادت کریں گے۔
ٹی ٹوئنٹی اسکواڈمیں (کپتان) سلمان علی آغا، عبدالصمد، ابرار احمد، بابر اعظم، فہیم اشرف، حسن نواز، محمد نواز، محمد وسیم جونیئر، محمد سلمان مرزا، نسیم شاہ کوشامل کرلیاگیاجبکہ صاحبزادہ فرحان (وکٹ کیپر)، صائم ایوب، شاہین شاہ آفریدی، عثمان خان (وکٹ کیپر)، عثمان طارق بھی ٹیم کا حصہ ہیں،اور ریزرو کھلاڑیوں میں فخر زمان، حارث رؤف اور سفیان مقیم شامل ہیں۔
ون ڈے اسکواڈمیں(کپتان) شاہین شاہ آفریدی، ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللہ شامل جبکہ حسن نواز، حسین طلعت، محمد نواز، محمد رضوان (وکٹ کیپر)، محمد وسیم جونیئر، نسیم شاہ، صائم ایوب، سلمان علی آغا بھی ٹیم کاحصہ ہیں۔