آبنائے ہرمز کی موجودہ صورتحال امریکی ناکہ بندی کا نتیجہ ہے،عباس عراقچی

عباس عراقچی نے کہا ہے کہ ایران نے آبنائے ہرمز میں کوئی رکاوٹ پیدا نہیں کی، بلکہ موجودہ صورتحال امریکا کی جانب سے مسلط کردہ ناکہ بندی کا نتیجہ ہے۔

نئی دہلی میں برکس وزرائے خارجہ اجلاس کے موقع پر ایک انٹرویو میں ایرانی وزیر خارجہ کا کہنا تھا کہ آبنائے ہرمز اس وقت تمام تجارتی جہازوں کیلئے کھلی ہے، تاہم جہازوں کو ایرانی بحری افواج کے ساتھ تعاون کرنا ہوگا۔

انہوں نے کہا کہ ان کے مطابق خطے میں کشیدگی کی اصل وجہ امریکا کی جانب سے عائد کی گئی غیر قانونی پابندیاں ہیں۔

عباس عراقچی نے امید ظاہر کی کہ یہ صورتحال جلد بہتر ہو گی اور آبنائے ہرمز میں موجود رکاوٹیں ختم ہو جائیں گی۔