پنجاب میں الیکٹرک بس سروس 147 تحصیلوں تک پھیلانے کا اعلان

پنجاب میں گرین الیکٹرک بسوں کے منصوبے نے ٹرانسپورٹ کے شعبے میں انقلاب برپا کر دیا،عوام کی جانب سے ان بسوں کی مانگ میں مسلسل اضافہ ہو رہا ہے۔
وزیر اطلاعات پنجاب عظمیٰ بخاری نےکہا کہ پنجاب کےمختلف شہروں کےشہری وزیراعلیٰ مریم نوازسےاپنے علاقوں میں بھی الیکٹرک بسیں چلانےکامطالبہ کررہے ہیں،حکومت جلد صوبے کی 147 تحصیلوں تک یہ سہولت فراہم کرے گی۔
انہوں نے بتایا کہ پنجاب بھرمیں ایک ہزار ایک سو الیکٹرک بسیں چل رہی ہیں،جن سے روزانہ لاکھوں شہری معیاری، آرام دہ اور سستی سفری سہولت سے مستفید ہو رہے ہیں،گرین بسوں کے ساتھ گرین ٹریکٹرز اور الیکٹرک بائیکس کی فراہمی کا سلسلہ بھی تیزی سے جاری ہے، جبکہ کسان اور نوجوان وزیراعلیٰ مریم نواز کی ترجیحات میں سرفہرست ہیں۔