حکومتی اقدامات تیز،پاکستانی عازمین کی سہولتوں کاجائزہ لینےکیلئے وزیر مذہبی امور کا سعودی عرب کادورہ

سردار محمد یوسف سعودی عرب پہنچ گئے جہاں انہوں نے مکہ مکرمہ آمد کے بعد عمرہ کی سعادت حاصل کی۔

انہوں نے مسجد الحرام میں پاکستانی عازمینِ حج سے ملاقات کی اور ان کی خیریت دریافت کی، جبکہ عازمین نے سرکاری حج اسکیم کے تحت انتظامات پر اطمینان کا اظہار کیا۔

سردار محمد یوسف عازمینِ حج کیلئے مختص رہائش گاہ میں قیام کریں گے اور مکہ مکرمہ، مدینہ منورہ اور مشاعر مقدسہ میں جاری انتظامات کا جائزہ لیں گے۔

وہ سعودی ہم منصب سمیت دیگر اعلیٰ شخصیات سے ملاقاتیں بھی کریں گے، جبکہ رہائش، خوراک، ٹرانسپورٹ اور دیگر سہولیات سے متعلق ذمہ داران سے بھی ملاقات کا شیڈول ہے۔