اداکار کام سے زیادہ سہولیات کو ترجیح دینے لگے،سید نور کا انکشاف

0
108

پاکستان فلم انڈسٹری کے معروف ہدایتکار سید نور نے انکشاف کیا ہے کہ انہیں اپنی نئی فلم کے لیے ہیروئن کے انتخاب میں مشکلات کا سامنا ہے۔کیونکہ اداکار کام سے زیادہ سہولیات کو ترجیح دینے لگے۔
ایک انٹرویو میں انہوں نے بتایا کہ ماضی میں اداکار زیادہ تعاون کرنے والے ہوتے تھے، جبکہ اب صورتحال بدل چکی ہے۔
ان کے مطابق آج کل کئی اداکار کام سے زیادہ سہولیات پر زور دیتے ہیں، جیسے ذاتی سیکرٹری، پرسنل میک اپ آرٹسٹ، ہیئر ڈریسر، بزنس کلاس سفر اور وینیٹی وین جیسی سہولتیں۔
سید نور نے کہا کہ کچھ پروڈکشن ہاؤسز ان تقاضوں کو پورا کر سکتے ہیں، لیکن ہر کوئی ایسا کرنے کی استطاعت نہیں رکھتا۔ اسی وجہ سے وہ نئے فنکاروں کے ساتھ کام کرنے کو ترجیح دے رہے ہیں، جیسا کہ وہ اپنے کیریئر میں پہلے بھی کرتے آئے ہیں۔
انہوں نے مزید وضاحت کی کہ وہ اداکاروں کے رویے کو “نخرے” نہیں بلکہ “پروٹوکول” کہنا پسند کریں گے، تاہم یہی عوامل ان کی آنے والی فلم چوڑیاں 2 کے لیے ہیروئن کی کاسٹنگ میں رکاوٹ بن رہے ہیں۔

Leave a reply