آسمانی بجلی گرنے سے مزید پھلنے پھولنے والا منفرد درخت دریافت

آسمانی بجلی گرنے سے مزید پھلنے پھولنے والا منفرد درخت دریافت،جنوبی اور وسطی امریکا میں سائنسدانوں نے ایک ایسا درخت دریافت کر لیا، جو آسمانی بجلی گرنے پر مزید پھلتا پھولتا ہے۔
ایک طویل عرصے تک یہ سمجھا جاتا تھا اور اس پر سائنسدانوں میں اتفاق رائے تھا کہ آسمانی بجلی درختوں پر صرف منفی اثرات ہی مرتب کرتی ہے، تاہم سائنسدان اب ان علاقوں کا رخ کر رہے ہیں ،جہاں اب تک وہ نہیں پہنچے تھے۔ ان میں دریائے ایمیزون کے برساتی جنگلات بھی شامل ہیں، وہاں درختوں کی نئی نسلوں کے بارے میں ڈیٹا اکٹھا کیا گیا،تو آسمانی بجلی کے مزاحم درختوں کے بارے میں نئے نظریات سامنے آئے۔
تقریباً ایک صدی قبل تک ایسے سپر ٹریز (انتہائی طاقتور درخت) کے بارے میں ثبوت سامنے نہیں آئے تھے، لیکن آج سائنسدان اس نئی قسم کی ایک درخت کے بارے میں جان چکے، جو نا صرف اپنی زندگی میں آسمانی بجلی کے متعدد سٹرائیکس کو برداشت کرتے ہیں ،بلکہ درحقیقت آسمانی بجلی کو اپنی طرف متوجہ کرتےہیں اور اس کی تباہ کن طاقت کو ارد گرد کے درختوں کو مارنے اور سورج کی روشنی اور اردگرد کے تمام غذائی اجزاء کو اپنے لیے استعمال کرتے ہیں۔
وسطی امریکی ملک پاناما میں 2015 میں ماہر ماحولیات ایوان گورا نے ایک قابل ذکر درخت Dipteryx oleifera دیکھا، جو طاقتور آسمانی بجلی گرنے کے باوجود محفوظ رہا، اس کے ارد گرد موجود درجنوں درخت تباہ ہوگئے تھے۔اس غیر معمولی منظر کا تجزیہ کرنے کے بعد سائنسدانوں نے اندازہ لگایا کہ یہ درخت آسمانی بجلی کے جھٹکوں کو نا صرف برداشت کر سکتا ہے، بلکہ یہ مزید پھلتا پھولتا ہے۔ اس حوالے سے مزید تحقیق جاری ہے۔