اسلاموفوبیاعالمی امن اوربین المذاہب ہم آہنگی کیلئےایک خطرہ ہے،مریم نواز

وزیراعلیٰ پنجاب مریم نوازنےکہاہےکہ اسلاموفوبیاعالمی امن اوربین المذاہب ہم آہنگی کیلئےایک خطرہ ہے۔
انسداداسلاموفوبیاکےعالمی دن پراپنےپیغام میں وزیراعلیٰ پنجاب مریم نوازکاکہناتھاکہ دنیابھرمیں مسلمانوں کودرپیش امتیازی سلوک قابل مذمت ہے،اقوام متحدہ کی جنرل اسمبلی میں اسلاموفوبیاکیخلاف قراردادپیش کرکےپاکستان نےآوازاٹھائی،اسلام دین رحمت ہےجوامن ،محنت ،برداشت اورانسانی عظمت کادرس دیتا ہے،بدقسمتی ہےاسلام اورمسلمانوں کیخلاف پروپیگنڈاکارجحان پنپ رہاہے۔
اُن کامزیدکہناتھاکہ اسلاموفوبیاعالمی امن اوربین المذاہب ہم آہنگی کیلئےایک خطرہ ہے، اسلاموفوبیا کے خاتمےکی ہرکاوش کوسراہتےہیں،اقوام متحدہ اورتمام عالمی ادارےنفرت انگیزرویوں کیخلاف موثراوریقینی اقدامات کریں،اقوام عالم کشمیر، فلسطین اورمسلمانوں کےجان ،مال ،حقوق اورعزت ووقارکےتحفظ کویقینی بنائے۔
مریم نوازکاکہناتھاکہ پنجاب حکومت اقلیتوں کےاحترام کوفروغ دینےکیلئےہرممکن اقدامات کررہی ہے، ایساپنجاب چاہتےہیں جہاں ہرمذہب اورمسلک کومساوی حقوق اورعزت حاصل ہو، اسلاموفوبیا سے نمٹنے کیلئےدنیاکواسلام کےحقیقی تشخص سےروشناس کرایاجائے،ہرقسم کی منافرت کیخلاف آواز اٹھانا ضروری ہے،پائیدارعالمی امن کیلئےسب کواپناکرداراداکرناہوگا۔