بلوچستان دل کے قریب ہے،صوبے کی ترقی اور پائیدار امن چاہتے ہیں، صدر زرداری

صدرمملکت آصف علی زرداری نےکہاہےکہ بلوچستان دل کے قریب ہے،صوبے کی ترقی اور پائیدار امن چاہتے ہیں۔
بدھ کوصدرمملکت آصف علی زرداری ایک روزہ دورےپرکوئٹہ پہنچےچیئرمین پیپلز پارٹی بلاول بھٹوبھی ان کےہمراہ تھے۔صدرمملکت نےبلوچستان میں امن وامان کی صورتحال پراجلاس کی صدارت کی، جبکہ انہوں نے بلوچستان کی پارلیمانی پارٹیوں کے اراکین سے ملاقات بھی کی۔
اجلاس میں صدرمملکت آصف علی زرداری کوامن وامان کی صورتحال پروزیر اعلیٰ بلوچستان سرفراز بگٹی نے بریفنگ دی۔اجلاس میں چیئرمین پیپلزپارٹی بلاول بھٹوزرداری بھی شریک تھے۔
اجلاس سےگفتگوکرتےہوئےصدرزرداری کاکہناتھاکہ دہشت گردی کے خلاف جنگ جیتنی ہے۔ دہشت گرد عناصر کو ہر قیمت پر شکست دیں گے، دہشت گرد قوم کو تقسیم کرنا چاہ رہے ہیں، صورتحال واضح ہے ریاست نے رہنا ہے۔
اُن کامزیدکہناتھاکہ بلوچستان دل کے قریب ہے،صوبے کی ترقی اور پائیدار امن چاہتے ہیں۔ بلوچستان کے ہر بچے کوسکول میں دیکھنا چاہتاہوں، جدید ٹیکنالوجی سے بچوں کو روشناس کروانا وقت کی ضرورت ہے۔ انسداد دہشت گردی ونگ کو جدید اسلحہ فراہم کریں گے۔
اجلاس میں قائم مقام گورنربلوچستان عبدالخالق اچکزئی،چیف سیکرٹری شکیل قادر، آئی جی بلوچستان سمیت اعلیٰ حکام بھی شریک ہوئے۔