دورہ آسٹریلیا: جیسن گلیسپی قومی کرکٹ ٹیم کےہیڈکوچ مقرر

دورہ آسٹریلیا اورزمبابوےکےلئے جیسن گلیسپی  قومی کرکٹ ٹیم کےوائٹ بال کےہیڈکوچ ہوں گے۔

پی سی بی کےمطابق گیری کرسٹن کےاستعفیٰ کےبعدقومی کرکٹ ٹیم کےدورہ آسٹریلیا کےلئےوائٹ بال کرکٹ ٹیم کےہیڈکوچ جیسن گلیسپی ہوں گے۔پاکستان کرکٹ بورڈ نے سابق ہیڈ کوچ گیری کرسٹن کا استعفیٰ بھی قبول کر لیا ہے۔
اس سے قبل ذرائع نے بتایا تھا کہ گیری کرسٹن کے استعفےکے بعد نئےکوچ پر مشاورت کی گئی ہے اور سابق ٹیسٹ کرکٹر عاقب جاوید کے ساتھ معاملات آخری مراحل میں داخل ہوچکے ہیں، وہ بھی ہیڈ کوچ کے لیے مضبوط امیدوار تھے۔
ذرائع کا بتانا ہے کہ چیئرمین پی سی بی محسن نقوی نے گیری کرسٹن کے رویےکو دیکھتے ہوئے نئےکوچ کا ٹاسک دے دیا تھا۔