روس اورچین کےدرمیان چاندپرنیوکلیئرپاورسٹیشن تعمیرکرنےکامعاہدہ

ٹیکنالوجی کی دنیامیں انقلاب برپا کرنےکےلئےروس اورچین سرگرم ،دونوں ممالک کےدرمیان چاند پر نیوکلیئرپاورسٹیشن تعمیر کرنے کا معاہدہ ہوگیا۔
دستخط کیےگئےمعاہدےکےمطابق روسی ری ایکٹر کو انٹرنیشنل لونر ریسرچ اسٹیشن (آئی ایل آر ایس) چلانے کے لیے استعال کیا جائے گا، جس پر دونوں ممالک مشترکہ طور پر کام کر رہے ہیں۔
رپورٹ کےمطابق پروگرام میں 17ممالک کوساتھ شامل کرنےپراتفاق کیاگیاہے،چین نے آئی ایل آر ایس پروگرام میں پاکستان، مصر، وینیزویلا، جنوبی افریقا، تھائی لینڈ اور آذربائجان سمیت 17 ممالک کو ساتھ شامل کرنے پر اتفاق کیا ہے۔
رپورٹ میں مزیدکہاگیاکہ معاہدےکامقصدمشترکہ بین الاقوامی چاندتحقیق سٹیشن کوبجلی فراہم کرناہے۔ مذکورہ تحقیقی سٹیشن 2036تک مکمل ہوکرکام شروع کردےگا۔
واضح رہےکہ گزشتہ برس روسی خلائی ادارے روس کوسموس کے چیف یوری بوریسوف نے ایک انٹرویو میں کہا تھا کہ چینی-روسی ری ایکٹر کی تعمیر انسانوں کی موجودگی کے بغیر خودکار طریقے سے انجام پائے گی۔