سرکاری سکولو ں میں سولر لگانے کا منصوبہ

0
21

پاکستان ٹوڈے: سرکاریسکولوں کے طلبا کیلئے خوشخبری۔۔اب طلبا کو لوڈ شیڈنگ میں گرمی برداشت نہیں کرنا پڑے گی۔ سرکاری سکولو ں میں سولر لگانے کے منصوبے کا آغاز ہو گیا۔

سکولوں کے بجلی کے بل میں 100 گنا اضافہ ہونے کے بعد سکول ایجوکیشن ڈیپارٹمنٹ نے سکول سولرائزیشن منصوبے کا آغاز کردیا ۔ منصوبہ کے تحت سرکاری سکولوں کو مرحلہ وار سولر انرجی پر منتقل کیا جائے گا۔ پہلے مرحلے میں پنجاب بھر کے 86 ہائر سیکنڈری سکولوں کو سولر انرجی پر منتقل کیا جائے گا۔

لاہور کے 2 ہائیر گرلز سیکنڈری سکولوں کو سولر انرجی پر منتقل کیا جائے گا ،جن میں گورنمنٹ ہائرسیکنڈری سکول وحدت روڈ اور گورنمنٹ ہائرسیکنڈری سکول گرین ٹاؤن شامل ہیں، ان کو بھی سولر پرمنتقل کیاجائے گا۔ سکولوں میں کنٹریکٹر کو سائٹ وزٹ کرانے کیلئے فوکل پرسن تعینات کرنے کا حکم دیدیا گیا۔

فوکل پرسن سکول میں سولر پینل لگوانے کیلئے کنٹریکٹر سے تعاون کریں گے۔ سکول ایجوکیشن ڈیپارٹمنٹ کا کہنا ہے فوکل پرسن تعینات نہ کرنیوالے سربراہان کیخلاف کارروائی کی جائے گی۔

 

Leave a reply