سیاحت کے شوقین افراد کیلئے گوگل میپس کا نیا فیچر متعارف

0
23

(پاکستان ٹوڈے) سیاحت کے شوقین افراد کیلئے گوگل میپس میں نیا اور کار آمد فیچر متعارف۔ اگر آپ کو گھومنے پھرنے کا شوق ہے، تو گوگل میپس میں اس حوالے سے ایک نیا کارآمد فیچر متعارف کرایا جا رہا ہے۔

تفصیلات کے مطابق جنریٹیو آرٹی فیشل انٹیلی جنس (اے آئی) ٹیکنالوجی پر مبنی یہ فیچر آپ کو کسی بھی علاقے کے اچھے مقامات تلاش کرنے میں مدد فراہم کرے گا۔اس فیچر سے صارفین کیلئےمخصوص دکانیں، کیفے اور دیگر مقامات کو تلاش کرنا آسان ہو جائے گا۔اس فیچر کا اشارہ گوگل میپس کے بیٹا (beta) ورژن میںدیا گیا ہے۔

اس فیچر کے تحت صارفین کو کسی مخصوص جگہ یا دکان کے بارے میں لکھ کر سرچ کرنے کی ضرورت نہیں ہوگی، بلکہ صارفین بس یہ بتائیں گے کہ وہ کیا تلاش کر رہے ہیں، جس کے مطابق ایپ کی جانب سے قریبی مقامات کے بارے میں بتایا جائے گا۔ اس فیچر کے بارے میں ابھی مزید تفصیلات فراہم نہیں کی گئی، لہٰذایہ کہنا مشکل ہے۔

کہ اسے کب تک تمام صارفین کیلئے متعارف کرایا جائے گا۔ کمپنی کا کہنا ہے کہ میپس میں سرچ کو اپ ڈیٹ کیا جا رہا ہے، تاکہ صارفین کیلئے مخصوص جگہوں یا چیزوں کی تلاش آسان ہو جائے۔اسی طرح میپس نیوی گیشن انٹرفیس کو بھی تبدیل کیا جا رہا ہے، تاکہ اردگرد کی جگہوں کو زیادہ درست طریقوں سے دکھایا جا سکے۔

اس مقصد کیلئے گوگل میپس میں کلرز کو بھی اپ ڈیٹ کیا گیا ہے، تاکہ لوگوں کو سڑکوں، پارکوں اور دیگر مقامات کا درست اندازہ ہوسکے۔

Leave a reply