علی امین گنڈاپورکی افغان قونصل جنرل سےاہم ملاقات

وزیراعلیٰ خیبرپختونخواعلی امین گنڈاپورنےپشاو رمیں تعینات افغان قونصل جنرل حافظ محب اللہ شاکی سےاہم ملاقات کی ،دونوں رہنماؤں نےعلاقائی امن واستحکام اوردیگرامورپرتبادلہ خیال کیا۔
ملاقات میں باہمی دلچسپی کے امور بشمول تجارت کے فروغ ، علاقائی امن و استحکام ‘ صوبے میں مقیم افغان شہریوں کو درپیش مسائل سمیت دیگر معاملات پر تفصیلی تبادلہ خیال کیا گیا۔
وزیر اعلیٰ علی امین گنڈا پور نے ملاقات کےد وران گفتگو کرتے ہوئے کہا کہ  دہشتگردی  کے خلاف جنگ کی وجہ سے دونوں اطراف کے لوگ مشکلات سے دو چار ہوئے۔
ادھروزیراعظم شہبازشریف سےگورنر خیبر پختونخوا فیصل کریم کنڈی نے ٹیلی فون پر رابطہ کیا۔
ذرائع کا کہنا ہے کہ وزیراعظم اور گورنر خیبر پختونخوا کی گفتگو کے دوران اتفاق کیا گیا کہ وفاقی وزیر داخلہ گورنر خیبر پختونخوا سے مل کر صوبے میں امن و امان یقینی بنانے کے لیے فوری اقدامات کریں گے۔