عمران خان حملہ کیس:عدالت نےملزم کوعمرقیدکی سزاسنادی

بانی پی ٹی آئی عمران خان پرفائرنگ کےکیس میں عدالت نےملزم کو عمرقید اور جرمانےکی سزاسنادی۔
گوجرانوالہ کی انسداد دہشتگردی عدالت نےپی ٹی آئی کےلانگ مارچ کےدوران عمران خان پرفائرنگ کے کیس کامحفوظ فیصلہ سنادیا۔
فیصلےمیں لکھاگیاکہ مرکزی ملزم کو اقدام قتل اور دہشتگردی کی دفعات کے تحت الگ الگ عمر قید کی سزا سنائی ہےجبکہ ملزم کوجرمانہ بھی کیا گیا ہے۔اس کیس میں نامزددیگر2ملزمان کوباعزت بری کر دیاہے۔
فیصلےمیں مزیدکہاگیاکہ حملے میں4 زخمیوں کی حد تک ملزم نوید کو 3 سے 5 سال قید کی سزا دی گئی۔
عدالتی فیصلے میں کہا گیا کہ ملزم نوید کیخلاف تمام سزائیں اکٹھی چلیں گی، ملزم نوید نے 7 نومبر 2022 کو پی ٹی آئی کے لانگ مارچ پر وزیر آباد تھانہ سٹی کی حدود میں فا ئرنگ کی تھی۔
واضح رہےکہ ملزم نے2022کوپی ٹی آئی کےلانگ مارچ پروزیرآبادمیں فائرنگ کی تھی جس کے نتیجے میں بانی پی ٹی آئی عمران خان کی ٹانگ میں گولی لگی تھی جبکہ ایک شہری موقع پرہی دم توڑگیاتھا۔