فخرپاکستان ارشدندیم کی وطن واپسی کاشیڈول جاری

پیرس اولمپکس میں عمدہ کاکردگی کامظاہرہ کرنےوالےفخرپاکستان ارشدندیم کی وطن واپسی کاشیڈول جاری کردیاگیا۔
قومی ہیرو ارشد ندیم ہفتہ اور اتوار کی درمیانی شب براستہ استنبول لاہور پہنچیں گے ،چیئر مین ساوتھ ایشین اتھلیٹکس میجر جنرل(ر) محمد اکرم ساہی ارشدندیم کو لے کر وطن پہنچیں گے ،وطن واپسی پر ارشد ندیم کا فقیدالمثال استقبال کیا جائے گا،ارشد ندیم کے کوچ سلمان بٹ بھی ان کے ہمراہ وطن پہنچیں گے۔
اتھلیٹکس فیڈریشن آف پاکستان نےفخر پاکستان کے استقبال کی تیاریاں شروع کردی ہیں،سپورٹس بورڈ پنجاب بھی قومی ہیرو کے استقبال کے لیے تیاریوں میں مصروف ہے۔

چیئر مین ساوتھ ایشین اتھلیٹکس میجر جنرل(ر) محمد اکرم ساہی کاکہناتھاکہ ارشد ندیم نے قوم کو بڑی خوشی دی ہے ان کا استقبال بھی تاریخی ہوگا۔ہم نے گولڈ میڈل جیت کر قوم سے کیا ہوا وعدہ پورا کردیا۔