مخصوص نشستوں کامعاملہ:پی ٹی آئی نےسپیکر سےبڑامطالبہ کردیا

تحریک انصاف نےمخصوص نشستوں کےمعاملےپرسپیکرقومی اسمبلی ایازصادق سےبڑامطالبہ کردیا۔
صوابی میں تقریب سے خطاب کرتے ہوئےرہنما تحریک انصاف اسد قیصر کا کہنا تھاکہ سپیکرقومی اسمبلی سےمطالبہ کرتےہیں کہ مخصوص نشستوں سے متعلق الیکشن کمیشن کولکھاگیاخط واپس لیں۔ اگر فیصلے میں عدلیہ پر وار ہوتا ہے تو عدلیہ کے ساتھ کھڑے ہوں گے۔
اسدقیصرکامزیدکہناتھاکہ مجوزہ آئینی ترمیم کےلئے حکومت نےمولانافضل الرحمان اور اخترمینگل کوجومسودہ دیاتھاان میں فرق تھا، اصلی مسودہ بلاول زرداری کے پاس تھا۔شہید ذوالفقار علی بھٹو کا نواسہ بھی اس سازش میں پوراشریک ہے، بلاول اپنے نانا کے آئین کو ختم کرنے کیلئے غیر جمہوری لوگوں کے ساتھ بیٹھے ہیں۔
یاد رہے کہ دو روز قبل اسپیکر قومی اسمبلی ایازصادق نے چیف الیکشن کمشنر کو خط لکھا ہےکہ پارلیمنٹ کی خود مختاری قائم رکھتے ہوئے مخصوص نشستیں الاٹ کی جائیں۔