موسمیاتی تبدیلی :1 سال میں گرمی کے 26 دنوں کا اضافہ

0
20

پاکستان ٹوڈے: موسمیاتی تبدیلی کے اثرات۔۔۔ ایک سال میں شدید گرمی کے 26 دن کا اضافہ ریکارڈ۔

تفصیلات کے مطابق ریڈ کراس، ریڈ کریسنٹ کلائمیٹ سینٹر، ورلڈ ویدر ایٹریبیوشن نیٹ ورک اور غیر منافع بخش تحقیقی تنظیم کلائمیٹ سینٹرل نے موسمیاتی تبدیلی سے متعلق رپورٹ شائع کر دی۔ رپورٹ کے مطابق دنیا نے گزشتہ 12 ماہ کے دوران موسمیاتی تبدیلی کی وجہ سے شدید گرمی کے اوسطاً 26 اضافی دن کا تجربہ کیا۔

رپورٹ میں دنیا بھرمیں موسمی شدت میں اضافے ، گلوبل وارمنگ کے کردار کی نشاندہی کی گئی ہے۔اس تحقیق کیلئے سائنسی ماہرین نے 1991 سے 2020 کا دورانیہ استعمال کیا، تاکہ اس بات کا تعین کیا جاسکے کہ اس مدت کے دوران ہر ملک کیلئے 10 فیصد کے اندر کیا درجہ حرارت شمار ہوا۔

اس کے بعد 15 مئی 2024 تک گزشتہ 12 ماہ کا جائزہ لیاگیا، تاکہ یہ معلوم کیا جاسکے کہ اس مدت کے دوران درجہ حرارت پہلے کے مقابلے میں کتنا کم یا زیادہ رہا؟ ماہرین نے نتیجہ اخذ کیا ہے کہ انسانوں کی وجہ سے ہی موسمیاتی تبدیلی میں اضافہ ہوا اور دنیا کے تقریباً تمام مقامات پر شدید گرمی میں اوسطاً 26 دن کا اضافہ ہوا۔

یورپی یونین کے موسمیاتی مانیٹر کوپرنیکس کے مطابق 2023 گرم ترین سال تھا۔ رپورٹ میں گزشتہ 12 مہینوں میں تقریباً 6.3 ارب افراد (عالمی آبادی کا تقریباً 80 فیصد) نے کم از کم 31 شدید گرمی کے دنوں کا تجربہ کیا۔ مجموعی طور پر انٹارکٹیکا کے علاوہ ہر براعظم کے 90 مختلف ممالک میں 76 شدید گرمی کی لہریں ریکارڈ کی گئیں اور سب سے زیادہ متاثرہ ممالک میں سے 5 لاطینی امریکا کی ریاستیں ہیں۔

Leave a reply