پاکستانی کرکٹ کے میدان میں بڑی خوشخبر

پاکستان ٹوڈے: پاکستان کے لیے کھیل کے میدان سے اچھی خبر ہے،پاکستان آئندہ سال جنوری میں کرکٹ چیمپئنز ٹرافی کی میزبانی تو کر ہی رہا ہے مگر اب ملک کو اسی سال ایک اور بین الاقوامی کرکٹ ٹورنامنٹ کی میزبانی مل گئی ہے۔

پاکستان رواں سال نومبر اور دسمبر میں بلائنڈ ٹی ٹوئنٹی کرکٹ ورلڈ کپ کی میزبانی کرے گا۔ پاکستان کو میگا ایونٹ کی میزبانی دینے کا فیصلہ دبئی میں ہونے والے ورلڈ بلائنڈ کرکٹ کے سالانہ اجلاس میں کیا گیا جو سید سلطان شاہ کی زیر صدارت ہوا۔

یہ ٹورنامنٹ 20 نومبر سے 3 دسمبر تک کھیلا جائے گا جس میں بھارت سمیت سری لنکا، بنگلا دیش، نیوزی لینڈ، جنوبی افریقہ، ویسٹ انڈیز اور نیپال نے شرکت کی تصدیق کر دی ہے تاہم آسٹریلیا کے جواب کا انتظار ہے۔

اس اجلاس میں میں کھیل کے کچھ قوانین میں تبدیلی کی منظوری بھی دی گئی۔