پاکستان میں گوگل پے کی لانچنگ کی تیاری، ممکنہ تاریخ سامنے آ گئی

0
24

گوگل پے کی پاکستان میں جلد لانچنگ کی تیاری، پاکستان میں گوگل پے رواں سال کس ماہ لانچ ہوگا؟ممکنہ تاریخ سامنے آ گئی۔
ذرائع کے مطابق عالمی ڈیجیٹل ادائیگی کے پلیٹ فارم گوگل پے کو مارچ 2025 کے وسط تک پاکستان میں باضابطہ طور پر متعارف کروادیا جائے گا۔یہ سروس پاکستانی صارفین کو اپنے بینک سے جاری کردہ ڈیبٹ اور کریڈٹ کارڈز کو گوگل والیٹ ایپ کے ذریعے گوگل پے سے لنک کرنے کی اجازت دے گی،جس کی وجہ سے صارفین بغیر کسی contact کے ڈیجیٹل ادائیگی کی سہولت سے فائدہ اٹھا سکیں گے۔
اگرچہ گوگل ایپ کی لانچ ابتدائی طور پر بنیادی contactless ادائیگیوں کو فعال کرنے پر توجہ مرکوز کرے گا، لیکن گوگل والیٹ کی خصوصیات کا مکمل مجموعہ جیسے لائلٹی کارڈز اور پبلک ٹرانسپورٹ پاس پہلے مرحلے میں دستیاب نہیں ہوں گے۔
ذرائع نے تصدیق کی ہے کہ لانچنگ کی تیاریاں جاری ہیں اور چار سے چھ بڑے بینکس تکنیکی ضروریات کو پورا کرنے کیلئے ویزا اور ماسٹر کارڈ کے حوالے سے کام کر رہے ہیں۔
سٹیٹ بینک آف پاکستان کے مطابق پاکستان کا ادائیگی کا بنیادی ڈھانچہ سروس کو سپورٹ کرنے کیلئے اچھی پوزیشن میں ہے، جس میں ایک لاکھ33 ہزار پوائنٹ آف سیل (پی او ایس) ٹرمینلز ہیں، جن میں سے 99 فیصد پہلے ہی موبائل کنٹیکٹ لیس ادائیگیوں کو سپورٹ کرنے کیلئے مکمل تیار ہیں۔

Leave a reply