یوٹیوب صارفین کیلئے خوشخبری، بڑی سہولت متعارف

یوٹیوب صارفین کیلئے خوشخبری، بڑی سہولت متعارف، : یوٹیوب کمپنی کے اے آئی کی مدد سے ٹیکنالوجی کے میدان میں کیے گئے تجربے کے بعد اب یوٹیوب پر شارٹس بنانا انتہائی آسان ہوگیا ۔
کمپنی کی جانب سے گوگل ڈیپ مائنڈ کا اے آئی ویڈیو جنریشن ماڈل ویو 2 (Veo) یوٹیوب شارٹس کا حصہ بنایا جا رہا ہے۔ویو 2 اور ڈریم سکرین اے آئی ٹولز کے ذریعے صارفین اے آئی ٹیکنالوجی پر مبنی مختصر ویڈیوز تحریری ہدایات کے ذریعے تیار کرسکیں گے۔اس سے قبل ڈریم سکرین کو ویو کے اولین ورژن میں ویڈیو بیک گراؤنڈز بنانے کے لیے استعمال کیا جاتا تھا، مگر ویو 2 زیادہ بہتر ماڈل ہے، جس کے ذریعے آپ ناصرف بیک گراؤنڈز بلکہ کردار اور اشیا بھی ویڈیو کے لیے تیار کرسکیں گے۔
کمپنی کے مطابق اس اپ گریڈ سے ڈریم سکرین کو زیادہ تیزی سے بنانا ممکن ہوگا اور یہ ماڈل صارف کی تحریری ہدایات کو سمجھنے کے حوالے سے زیادہ بہتر ہوگا اور حقیقت کے قریب ویڈیوز تیار کرے گا۔آسان الفاظ میں یہ ویڈیوز حقیقی دنیا جیسی ہوں گی اور ان میں موجود کردار حقیقی محسوس ہوں گے۔ صارفین پہلے سے بہتر ڈریم سکرین ٹول کو آزما سکتے ہیں۔
اس کے لیے شارٹس کیمرا اوپن کریں اور وہاں گرین سکرین کا انتخاب کرکے تحریر کریں کہ وہ کیا چاہتے ہیں، جبکہ یوٹیوب کی جانب سے پہلے سے کسی شارٹس ویڈیو میں موجود اے آئی کلپ کو ایڈ کرنے کی سہولت بھی فراہم کی جائے گی، اس کے بعد create بٹن پر کلک کرکے مزید تحریری ہدایات دیں۔اس کے بعد ویو2 سب کام خود سنبھال لے گا اور چند سیکنڈوں میں شارٹس ویڈیو تیار ہو جائے گی۔