یو ایم ٹی، ٹائمز ہائر ایجوکیشن ایشیا ایوارڈز 2025 کیلئے شارٹ لسٹ

پاکستانی شعبہ تعلیم کیلئے خوشخبری، یو ایم ٹی، ٹائمز ہائر ایجوکیشن ایشیا ایوارڈز 2025 کیلئے شارٹ لسٹ،یونیورسٹی آف مینجمنٹ اینڈ ٹیکنالوجی (یو ایم ٹی) کو ٹائمز ہائر ایجوکیشن ایشیا ایوارڈز 2025 کیلئے ’’لیڈرشپ اینڈ مینجمنٹ ٹیم آف دی ایئر‘‘ کیٹیگری میں منتخب کر لیاگیا۔
یہ ایک اہم اعزاز ہے اور یو ایم ٹی پاکستان کی واحد یونیورسٹی ہے ،جو اس کیٹیگری میں نامزد ہوئی ہے۔
صدر یو ایم ٹی ابراہیم حسن مراد نے اس کامیابی پر خوشی کا اظہار کرتے ہوئے کہا ہےکہ یہ نامزدگی پاکستان کیلئے ایک بڑا اعزاز ہے اور یو ایم ٹی نے عالمی سطح پر پاکستان کا نام روشن کیا ہے۔ ایشیا ایوارڈز 2025 کے نتائج کا اعلان اپریل میں کیا جائے گا، جس کے بعد یو ایم ٹی کی کامیابی کا حتمی فیصلہ کیا جائے گا۔