پاکستان میں آج سے 20 اپریل تک انٹرنیٹ سروس متاثر ہونے کا امکان،پی ٹی سی ایل کا الرٹ

پی ٹی سی ایل نے صارفین کو آگاہ کیا ہے کہ بین الاقوامی سب میرین کیبل کنسورشیم کی جانب سے مرمتی کام کے باعث انٹرنیٹ سروسز متاثر ہونے کا امکان ہے۔ یہ مینٹیننس سرگرمی 14 اپریل سے شروع ہو کر 20 اپریل 2026 تک جاری رہ سکتی ہے۔
پی ٹی سی ایل کے مطابق اس دوران خاص طور پر شام کے اوقات میں صارفین کو انٹرنیٹ کی رفتار میں کمی یا عارضی تعطل کا سامنا کرنا پڑ سکتا ہے۔ کمپنی نے صورتحال پر نظر رکھنے اور سروس کو جلد از جلد معمول پر لانے کے لیے اقدامات جاری رکھنے کی یقین دہانی کرائی ہے۔