بھارتی اداکارہ کنگنا رناوت نے شادی سےمتعلق قیاس آرائیاں پرخاموشی توڑدی

بھارتی اداکارہ اور سیاستدان کنگنا رناوت نے اپنی شادی سے متعلق گردش کرنے والی افواہوں کی تردید کرتے ہوئے کہا ہے کہ انہوں نے کوئی خفیہ شادی نہیں کی۔

بھارتی میڈیا کے مطابق سوشل میڈیا پر ان کی ایک تصویر وائرل ہونے کے بعد قیاس آرائیاں شروع ہو گئیں، جس میں وہ سبز چوڑیاں اور منگل سوتر پہنے نظر آئیں۔ ہندو روایات میں منگل سوتر شادی شدہ خواتین کی علامت سمجھا جاتا ہے، جس کے باعث ان کی خفیہ شادی سے متعلق خبریں زیرِ گردش آ گئیں۔

کنگنا رناوت نے انسٹاگرام پر وضاحت دیتے ہوئے کہا کہ یہ تمام دعوے بے بنیاد ہیں اور ان کا یہ انداز کسی شوٹ یا کردار کا حصہ تھا، جسے غلط طور پر پیش کیا گیا۔

انہوں نے صارفین سے اپیل کی کہ وہ سوشل میڈیا پر غیر مصدقہ خبروں پر یقین نہ کریں اور تصدیق کے بعد ہی کسی خبر کو آگے بڑھائیں۔