مجوزہ آئینی ترامیم کیخلاف سپریم کورٹ میں ایک اوردرخواست دائر

مجوزہ آئینی ترامیم کےخلاف سپریم کورٹ میں ایک اوردرخواست دائرکردی گئی۔
سپریم کو رٹ میں نئی درخواست ایڈووکیٹ صائم چودھری نے دائر کی۔درخواست میں وفاقی حکومت، اسپیکر قومی اسمبلی اور چیئرمین سینیٹ سمیت دیگر کو فریق بنایا گیا ہے۔
درخواست میں موقف اختیارکیاگیاکہ وفاقی حکومت آئین سے متصادم ترامیم نہیں کر سکتی،عدلیہ سے متعلق ترامیم عدلیہ کی آزادی سلب کرنے کے مترادف ہے، مجوزہ آئینی ترامیم بنیادی حقوق کے خلاف ہیں۔حکومت آئینی ترامیم سے سپریم کورٹ اور ہائیکورٹ کے اختیارات ختم کرنا چاہتی ہے۔
درخواست میں استدعاکی گئی کہ عدالت مجوزہ آئینی ترامیم کو خلاف آئین اور کالعدم قرار دیں۔ عدلیہ سے متعلقہ کسی قسم کی ترمیم اسکروٹنی کے بعد تمام اسٹیک ہولڈرز کو بھیجی جائے۔