عالمی اور مقامی مارکیٹ میں سونے کی قیمت میں نمایاں اضافہ

عالمی اور مقامی مارکیٹوں میں سونے اور چاندی کی قیمتوں میں نمایاں اضافہ ریکارڈ کیا گیا ہے، عالمی مارکیٹ میں سونا نئی بلند ترین سطح پر پہنچ گیا۔
مقامی ا ور بین الاقوامی بلین مارکیٹوں میں سونے اور چاندی کی قیمتوں میں نمایاں اضافہ ریکارڈکیا گیا ۔ عالمی مارکیٹ میں فی اونس سونا 53 ڈالر مہنگا ہو کر 5 ہزار 20 ڈالر پر پہنچ گیا ہے۔
آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 5 ہزار 300 روپے مہنگا ہو کر 5 لاکھ 24 ہزار 762 روپے تک پہنچ گیا ہے۔ اسی طرح 10 گرام سونے کی قیمت 4 ہزار 544 روپے اضافے کے بعد 4 لاکھ 49 ہزار 898 روپے ہو گئی۔دوسری جانب چاندی کی فی تولہ قیمت 346 روپے اضافے سے 8 ہزار 615 روپے ہو گئی۔