اے آئی کا خطرناک مشوره چینی کسان کی 25 ایکڑ فصل راتوں رات تباہ ہوگئی
چین کے صوبہ آنہوئی کے 67 سالہ کسان نے دعویٰ کیا ہے کہ اے آئی اسسٹنٹ کی جانب سے کیڑے اور جڑی بوٹیوں کے خاتمے کے لیے دیے گئے مشورے پر عمل کرنے کے بعد اس کی 25 ایکڑ تل کی فصل راتوں رات تباہ ہوگئی۔
مقامی رپورٹس کے مطابق کسان گزشتہ ایک سال سے فصلوں کی دیکھ بھال، کھاد اور زرعی منصوبہ بندی کے لیے اے آئی سے مشورے لے رہا تھا۔ ابتدائی کامیابیوں کے بعد اس کا اعتماد بڑھ گیا اور اس نے ماہرین سے تصدیق کیے بغیر اے آئی کی ہدایات پر عمل شروع کردیا۔
بعد ازاں اے آئی کی تجویز کردہ کیمیائی دوا استعمال کی گئی، جس کے نتیجے میں نومولود پودوں کی بڑی تعداد تباہ ہوگئی۔
ماہرین کے مطابق نقصان کی ایک بڑی وجہ فلوفیناسیٹ نامی جڑی بوٹی مار دوا بنی، جسے غلط طریقے سے استعمال کرنے پر تل کی فصل متاثر ہوسکتی ہے۔یہ واقعہ اس بات کی اہمیت اجاگر کرتا ہے کہ حساس شعبوں میں اے آئی کے مشورے کو حتمی فیصلہ سمجھنے کے بجائے ماہرین سے تصدیق ضرور کی جائے۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔