کراچی کی عدالت نے ٹی وی میزبان اور پاکستان عوام راج تحریک کے سربراہ سید اقرار الحسن کی ضمانت منظور کرتے ہوئے ان کی رہائی کا حکم دے دیا ہے۔
جوڈیشل مجسٹریٹ گلریز میمن نے سٹی کورٹ میں فریقین کے وکلا کے دلائل سننے کے بعد 2 لاکھ روپے کے ضمانتی مچلکوں کے عوض ان کی ضمانت منظور کی۔
سماعت کے دوران اقرار الحسن کے وکیل احمد مسعود نے مؤقف اختیار کیا کہ مقدمے کا چالان پہلے ہی عدالت میں جمع کرایا جا چکا ہے اور ان کے موکل کے موبائل فون بھی تحویل میں لیے جا چکے ہیں۔
دوسری جانب این سی سی آئی اے نے عدالت کو بتایا کہ اقرار الحسن سے مزید تفتیش کی ضرورت نہیں، تاہم ان کی فرانزک رپورٹ کا انتظار ہے۔ اس پر عدالت نے درخواست ضمانت منظور کرتے ہوئے مچلکے جمع کرانے پر رہائی کا حکم دے دیا۔
واضح رہے کہ اقرار الحسن کو 12 اکتوبر کو لاہور کے علاقے ڈیفنس ہاؤسنگ اتھارٹی (ڈی ایچ اے) سے حراست میں لیا گیا تھا، جس کے بعد انہیں چار روزہ جسمانی ریمانڈ پر این سی سی آئی اے کے حوالے کیا گیا تھا۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔