کبیروالا میں خواتین کو معاشی طور پر خودمختار بنانے اور انہیں روزگار کے بہتر مواقع فراہم کرنے کے لیے پنجاب حکومت کی ہدایات پر ضلعی حکومت نے پنک کارٹ بازار قائم کر دیا۔
جھنگ روڈ پر چوک مخدوم پور چونگی کے مقام پر قائم بازار کا مقصد گھریلو اور ہنرمند خواتین کو کاروباری سرگرمیوں کے مواقع فراہم کرنا ہے تاکہ وہ اپنے ہنر کو روزگار میں تبدیل کر سکیں۔
پنک کارٹ بازار میں کاروبار کرنے والی خواتین شاپ کیپرز کا کہنا ہے کہ اس اقدام سے انہیں معاشی سرگرمیوں میں حصہ لینے اور اپنے خاندان کی آمدن میں اضافے کا موقع ملے گا۔
خواتین نے اس اقدام کو خوش آئند قرار دیتے ہوئے کہا کہ ایسے مواقع خواتین کو اپنے پاؤں پر کھڑا ہونے اور معاشی خودمختاری حاصل کرنے میں مددگار ثابت ہوں گے۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔