الیکشن کمیشن نے این اے 81 سے پی ٹی آئی حمایت یافتہ امیدوار رانا بلال اعجاز کو دوبارہ گنتی میں 3201ووٹوں سے ہرا کر ناکوں چبے چبوا دیئے

ملکی سیاست میں ایک طرف تو ن لیگ اور پیپلزپارٹی آپس میں آئینی اور حکومتی عہدے تحفہ کرنے میں فراغ دلی کا مظاہرہ کررہی ہیں تو وہی پر الیکشن کمیشن بھی اپنا حصہ ڈالنے میں پیش پیش ہے۔

یہ بات سننے میں تو تھوڑی عجیب لگتی ہے مگر الیکشن کمیشن نے ن لیگ کو کھلے عام یہ بمپر آفر دے رکھی ہے کہ آو،، دوبارہ گنتی کراو،، اور سیٹ لے جائے۔

اب یہ بات زبان زد عام بن چکی ہے کہ جب تک سیٹ ن لیگ کی نہ ہوجائے گنتی رکنے نہ پائے۔ این اے81 سےپی ٹی آئی کے حمایت یافتہ امیدوار رانا بلال اعجاز کے ساتھ بھی الیکشن کمیشن نے ہاتھ کرڈالا۔ 7791ووٹوں سے برتری پانے والے پی ٹی آئی امیدوارکو الیکشن کمیشن نے دوبارہ گنتی میں 3201ووٹوں سے زیر کردیا۔

بات صرف یہی ختم نہیں ہوتی بلکہ الیکشن کمیشن نے دوبارہ گنتی میں پی کے 40 سے ن لیگ کے سردار شاہ جہاں کو فاتح قرار دیا اور تو اور الیکشن کمیشن نے پی پی 122 ، پی پی 100 سے بھی دوبارہ گنتی میں ن لیگ کی فتح کا نوٹیفیکشن جاری کیا۔ اگر عمران خان کی تقاریر کو ذہن میں دوہرایا جائے تو یقین پختہ ہوجاتا ہے کہ ن لیگ کیلئےامپائر کے بغیر میچ جیتنا دیوانے کے خواب کی طرح ہے۔

لیکن سیاست کے امتحان میں ضمنی انتخابات اب باقی ہیں جہاں ملک بھر سے دوبارہ ن لیگ اور پی ٹی آئی کے امیدوار میدان آئے میں آئے گے مگر دیکھنا یہ ہے .کہ دوبارہ انتخابات میں کتنی بار الیکشن کمیشن دوبارہ نتائج بدلے گی ۔ عتیق ملک پاکستان ٹوڈے نیوز لاہور