ہالی وڈ اسٹار ول اسمتھ نے قرآن پاک کو پڑھنے کے بعد غلط فہمیاں دور ہوجاتی

پاکستان ٹوڈے: ہالی وڈ اداکار ول اسمتھ کا کہنا تھا کہ حال ہی میں ’بگ ٹائم پوڈ کاسٹ‘ پروگرام میں انٹرویو کے دوران ول اسمتھ نے حیران کن انکشافات کرتے ہوئے بتایا کہ’ میرے لیے گزشتہ دو سال ایک مشکل وقت تھا جس دوران میری توجہ روحانیت کی تلاش میں گزری اور میں نے تمام مقدس کتابیں پڑھ لیں، یہ میری زندگی کا وہ دور تھا جب میں اپنے دل کو زیادہ سے زیادہ وسعت دینا چاہتا تھا‘۔

ول اسمتھ نے بتایا کہ ’مجھے سادگی پسند ہے، گزشتہ برس میں نے قرآن پاک کو حرف بہ حرف پڑھا ، قرآن بہت واضح اور آئینے کی طرح شفاف ہے‘۔

جب ان سے سوال کیا گیا کہ انہوں نے قرآن پاک کو پڑھنے کے بعد کیا دریافت کیا؟ اس پر ول اسمتھ نے کہا کہ ’کاش میں بتاسکتا کہ  مقدس کتاب میں موسیٰ کا کتنا ذکر ہے، میں نے  قرآن  میں موسیٰ اور ان کے تجربات  کو  پڑھا‘۔

ہالی وڈ اداکار کا کہنا تھا کہ قرآن میں حضرت موسیٰ علیہ السلام کا جتنی بار ذکر ہوا ہے میں حیران رہ گیا، مجھے حضرت موسیٰ کی کہانی اور ان کے تجربے نے بہت متاثر کیا۔

دوران انٹرویو ول اسمتھ نے انکشاف کیاکہ میں نے قرآن کے علاوہ یہودیت اور عیسائیت کی مقدس کتابیں بھی پڑھیں اور حیران رہ گیا کہ کس طرح 3 مقدس کتابیں قرآن ، توریت اور بائبل ایک دوسرے سے جڑی ہوئی ہیں، توریت سے بائبل اور پھر قرآن، میں حیران تھا کہ یہ تینوں ایک ہی کہانی کی طرح ہے، ابراہیم علیہ السلام کو انبیاءکے والد اور ان کی نسل سے اسماعیل علیہ السلام اور اسحاق علیہ السلام آئے، اس سلسلہ نبوت کی پوری تصویر کو سمجھنا بے حد خوبصورت تھا۔