ایران پرمزیدپابندیاں عائدکی جائیں گی،امریکا

امریکی صدرجوبائیڈن نےکہاہےکہ ایران پر مزید پابندیاں عائد کی جائیں گی۔
صحافیوں سےگفتگوکرتےہوئےامریکی صدرجوبائیڈن کاکہناتھاکہ وہ ایرانی ایٹمی تنصیبات پر حملے کی حمایت نہیں کرتے۔ہاں البتہ ایران پرمزیدپابندیوں کےحامی ہیں۔انہوں نےزوردیاکہ ایران پر مزید پابندیاں عائد کی جائیں گی، وہ جلد ہی اس حوالے سے اسرائیلی وزیر اعظم بنیامین نیتن یاہو سے بات کریں گے۔
یہ بات اس وقت سامنے آئی جب اسرائیلی حکام نے بدھ کو ایرانی اہداف کی ایک متوقع فہرست کا اشارہ دیا جو منگل کو تہران کی طرف سے شروع کئے گئے حملے کے بڑے اسرائیلی ردعمل کے دائرہ کار میں آسکتی ہے۔
واضح رہےکہ اسرائیل نےاس حوالےسےفیصلہ کن اوردردناک جواب کی دھمکی دی اوراس بات کی تصدیق کی تھی کہ تہران اپنے اقدام پر پچھتائے گا۔
جس کےجواب میں ایرانی صدر مسعود پیزشکیان نے زور دے کر کہا تھا کہ اگر اسرائیل نے ایک اور غلطی کی تو ان کے ملک کا ردعمل دوگنا تباہ کن ہو گا۔
دوسری جانب ایرانی وزیر خارجہ عباس عراقچی نے بھی اعلان کیا ہے کہ اسرائیل کی طرف سے کسی بھی نئے اقدام کو سخت ردعمل کا سامنا کرنا پڑے گا۔