طلبا و طالبات کیلئے اہم خبر،سکولوں سے متعلق نئی شرائط مقرر

طلبا و طالبات کیلئے اہم خبر،پنجاب ایجوکیشن فاؤنڈیشن نے پارٹنرز سکولوں سے متعلق نئی شرائط مقرر کر دیں۔
مراسلے میں کہا گیا ہے کہ پنجاب ایجوکیشن فاؤنڈیشن کی جانب سے 15 مرلے سے کم جگہ میں سکول کی اجازت پر پاپندی عائد کردی گئی ہے،مقررہ رقبے سے کم والے سکول فوری طور پر 15 مرلے والی بلڈنگ میں شفٹ ہوں۔ایلیمنٹری اور ہائی سکولوں کے ایک کمرے میں صرف ایک کلاس لگانے کی اجازت ہو گی ،ایک کلاس رومز میں 12 واٹ کے کم از کم چار بلب لگائیں۔
نئی شرائط کا اطلاق تمام کیٹگریز کے سکولوں پر ہو گا،نئی شرائط پر عملدرآمد نہ کرنیوالے سکولوں کی انتظامیہ کیخلاف کارروائی ہو گی۔
ذہن نشین رہے کہ پنجاب ایجوکیشن فاؤنڈیشن کے پارٹنرز سکولوں کی تعداد ساڑھے 7 ہزار ہے۔