اسلحہ برآمدگی کیس:علی امین گنڈاپورکےناقابل ضمانت وارنٹ گرفتاری برقرار

شراب واسلحہ برآمدگی کیس میں وزیراعلیٰ خیبرپختونخواعلی امین گنڈاپورکےناقابل ضمانت وارنٹ گرفتاری برقرار ہیں۔
اسلام آبادکی سیشن عدالت کےسینئرسول جج مبشرحسن چشتی نے وزیراعلیٰ علی امین گنڈاپورکےخلاف شراب واسلحہ برآمدگی کیس کی سماعت کی علی امین گنڈاپور کے وکیل راجہ ظہورالحسن عدالت میں پیش ہوئے ۔
پولیس کی جانب سےآج بھی تعمیلی رپورٹ عدالت میں پیش نہ کروائی گئی۔ وزیراعلیٰ علی امین گنڈاپورآج بھی عدالت میں پیش نہ ہوئے۔
وکیل ظہورالحسن نےکہاکہ ملزم شریف بندہ ہےعدالت میں پیش ہوجائےگا۔
عدالت نےریمارکس دئیےکہ اگرشریف ہیں تواشتہاری قراردیتےہیں۔
وکیل راجہ ظہور نےاستدعاکی کہ بارکونسل کاالیکشن لڑرہاہوں،مصروفیات ہیں لمبی تاریخ دیں۔
جج نےریمارکس دئیے کہ پھرتوآپ چاہیں گےدسمبرکےبعدکی تاریخ ڈال دیں۔
عدالت نےوزیراعلیٰ علی امین گنڈاپورکےناقابل ضمانت وارنٹ گرفتاری برقراررکھتےہوئےکیس کی مزیدسماعت 25فروری تک ملتوی کر دی۔