گوگل نےصارفین کیلئے دلچسپ فیچرمتعارف کرادیا

گوگل کروم صارفین کے لیے ایک نئی سہولت متعارف کرائی گئی ہے جس کے ذریعے کھلی ہوئی ٹیبز کو ایک ڈیوائس سے دوسری ڈیوائس پر منتقل کرنے کے بعد وہیں سے استعمال کیا جا سکے گا جہاں انہیں چھوڑا گیا تھا۔

نئے فیچر کی مدد سے صفحے کی اسکرول پوزیشن بھی برقرار رہے گی۔ مثال کے طور پر اگر کوئی صارف موبائل پر طویل مضمون پڑھتے ہوئے اسے درمیان میں چھوڑ دے اور بعد میں وہی ٹیب کمپیوٹر پر کھولے تو صفحہ شروع سے نہیں بلکہ اسی مقام سے کھلے گا جہاں اسے چھوڑا گیا تھا۔

اس کے علاوہ فیچر کے تحت ایسے فارمز کی درج کی گئی معلومات بھی محفوظ رہیں گی جو ابھی مکمل یا سبمٹ نہیں کیے گئے۔

کمپیوٹر پر اس سہولت تک رسائی کے لیے کروم کے تھری ڈاٹ مینیو میں جا کر کاسٹ اور پھر سیو اینڈ شیئر کا آپشن منتخب کرنا ہوگا، جبکہ اینڈرائیڈ صارفین شیئر مینیو کے ذریعے یہ فیچر استعمال کر سکیں گے۔