حکومت کیخلاف تحریک عدم اعتماد:پی ٹی آئی کی تردید

چیئرمین تحریک انصاف بیرسٹرگوہرنےوزیراعظم شہبازشریف کےخلاف تحریک عدم اعتمادلانےکی خبروں کی تردیدکردی۔
چیئرمین پی ٹی آئی بیرسٹرگوہرکاکہناتھاکہ وزیراعظم ،سپیکراورڈپٹی سپیکرکےخلاف عدم اعتمادکی خبریں جعلی ہیں،ہم نےکوئی ایسی میٹنگ کی ہےنہ ہی یہ کوئی ایجنڈا ہے،میں ضرور کہوں گاوقت کےساتھ چیزیں بدلنی چاہئیں۔
بیرسٹرگوہرعلی خان کامزیدکہناتھاکہ ایک ہفتےمیں سب کچھ بدل گیا سیزفائر ہوگیا، سب سےبڑی جماعت اورمقبول لیڈرکوکب تک جیل میں رکھیں گے،سیزفائرپی ٹی آئی کےساتھ ہوناچائیے،اب بہت ہوگیا۔
دوسری جانب پی ٹی آئی رہنماوسابق سپیکر قومی اسمبلی اسدقیصرکاکہناتھاکہ سپیکر اور وزیراعظم دونوں کے خلاف عدم اعتماد کا سوچ رہے ہیں، پاک بھارت کشیدگی کی وجہ سے عدم اعتماد کا معاملہ وقتی طور پر روکا ہے، اگر عدم اعتماد لائیں تو سمجھا جائے گا کہ جنگ میں بھی سیاست کر رہے ہیں۔ تحریک عدم اعتماد کا آپشن وقت پر استعمال کریں گے۔