دنیا کا سب سے زیادہ شور شرابے والا شہر کون سا ہے؟

دنیا کا سب سے زیادہ شور شرابے والا شہر کونسا ہے؟دنیا کا سب سے زیادہ شور شرابے والاشہر واضح طور پر ایک نہیں، بلکہ مختلف رپورٹس اور سٹڈیز کی بنیاد پر جنوبی ایشیا کے کچھ شہر شامل ہیں۔
ابھی حال ہی میں منظر عام پر آنیوالی یونیپ کی فرنٹیئر رپورٹ کے مطابق بنگلہ دیش کا شہر ڈھاکہ سب سے زیادہ شورشرابے والا شہر ہے۔ڈھاکہ میں زیادہ سے زیادہ 119 ڈیسی بیل آواز ریکارڈ کی گئی، جو انسانی صحت کیلئے انتہائی خطرناک ہے۔ دوسرے نمبر پر بھارت کا شہر مرادآباد ہے ،جہاں آواز تقریباً 114 ڈیسی بیل ریکارڈ کی گئی۔
تیسرے نمبر پر پاکستان کا دارالحکومت اسلام آباد ہے، جہاں تقریباً 105 ڈیسی بیل آواز ریکارڈ کی گئی۔اس شور شرابے میں حد سے زیادہ ٹریفک اور ہارن کا استعمال، تعمیراتی کام اور انڈسٹریل مشینری اور کمزور شہری منصوبہ بندی اور شور کی روک تھام کے قوانین پر عمل نہ ہونا ہے۔
اس رپورٹ نے واضح کیا ہےکہ پاکستان سمیت جنوبی ایشیا کے متعدد بڑے شہر شور کی آلودگی کے معاملے میں دنیا میں سب سے آگے ہیں۔