ویمنزورلڈکپ:بھارت کوشکست،آسٹریلیانے 331 رنزکا ہدف حاصل کرکے نیا ریکارڈ بنادیا

انٹرنیشنل کرکٹ کونسل (آئی سی سی )ویمنزورلڈکپ کے13ویں میچ میں آسٹریلیا نے بھارت کے خلاف 331رنز کا ہدف حاصل کرکے نیا ریکارڈ بناڈالا۔
وشاکا پٹنم میں کھیلے گئےمیچ میں آسٹریلیا نے ٹاس جیت کر پہلےفیلڈنگ کافیصلہ کیا،بھارت نےپہلےبیٹنگ کرتےہوئے48.5اوورزمیں 330رنز بنائے جواب میں آسٹریلیانے 331 رنز کا ہدف ایک اوور پہلے حاصل کرلیا۔
بھارت کی اننگز:
بھارت کی جانب سےاننگزکاآغاز سمرتی مندھانا اور پراتیکا راول نےکیادونوں نےٹیم کواچھاآغازفراہم کیا۔ سمرتی نے 80 رنزکی اننگزکھیلی جبکہ راتیکا 75 رنز بناکروکٹ گنوابیٹھی۔ ہرلین دیول  38سکور بنانےمیں کامیاب ہوئیں۔
جمائما روڈریگز نے 33 اور رچا گھوش نے 32رنز بنا ئے، بھارتی ٹیم 49 ویں اوور میں 330 رنز بنا کر آؤٹ ہوگئی۔
آسٹریلیا کی جانب سے انابیل سندرلینڈ نے پانچ وکٹیں حاصل کیں۔
آسٹریلیاکی اننگز:
ہدف کےتعاقب میں آسٹریلیاکی جانب سےاننگزکاآغاز لچفیلڈ اورکپتان ایلیسا ہیلی نےکیا۔دونوں نےعمدہ کھیل کامظاہرہ کیا۔لچفیلڈ 40 رنز بنا کر آؤٹ ہوئیں، جبکہ ایلسا پیری آئیں لیکن اسکور 154 ہوا تو وہ ریٹائر ہرٹ ہوکر گراؤنڈ سے باہر چلی گئیں۔
بیتھ مونی 4رنزبناکروکٹ گنوابیٹھیں اور انابیل صفر پرپویلین لوٹ گئیں۔اس موقع پر ایشلے گارڈنر نے کپتان کے ساتھ مل کر اسکور 265 تک پہنچادیا۔ اسی دوران ایلیسا ہیلی نے سنچری مکمل کی، وہ 107 گیندوں پر 142 رنز بنا کرآؤٹ ہوئیں۔
ان کے بعد مزید 2 وکٹیں گریں تو ایلیسا پیری دوباری میدان میں آئیں اور 47 رنز کی ناقابل شکست اننگز کھیل کر آسٹریلیا کو تین وکٹ سے تاریخی فتح دلا دی۔ آسٹریلوی ٹیم نے 331 رنز کے ہدف کا کامیابی سے تعاقب کرکے ویمن ون ڈے کرکٹ کا نیا ریکارڈ بنایا ہے۔